ଟିମ୍ ହ୍ୟୁମାନିଟି କନ୍ଧମାଳ ଦ୍ୱାରା ସାତ ଫୁଟର ଅଜଗର ସାପ ଉଦ୍ଧାର

କନ୍ଧମାଳ, (ସଞ୍ଜୟ କୁମାର ପାଣିଗ୍ରାହୀ):କନ୍ଧମାଳ ଜିଲ୍ଲା ଫୁଲବାଣୀ ସହରଠୁ ପ୍ରାୟ ୭ କିଲୋମିଟର ଦୂର କରଡ଼ାକୁମ୍ପା ଗ୍ରାମରେ ଏକ ଅଜଗର ସାପ ପଶି ଆସିଥିବା ନେଇ ସୁନୀଲ ଦିଗାଲ ଟିମ୍ ହ୍ୟୁମାନିଟି କନ୍ଧମାଳ ସ୍ନେକ ହେଲ୍ପଲାଇନ ସଦସ୍ୟ ଙ୍କୁ ଯୋଗାଯୋଗ କରିଥିଲେ। ତୁରନ୍ତ ଟିମ୍ ର ସଦସ୍ୟ ଭି. ଜଗନ୍ନାଥ ରାଜୁ, ସାଇରାମ ପାତ୍ର, ଅନୁପ ବିକ୍ରମ ପାତ୍ର ଉକ୍ତ ସ୍ଥାନରେ ପହଞ୍ଚିଥିଲେ। ଘଟଣା ସ୍ଥଳରେ ସେମାନେ ଏକ ବଡ ଅଜଗର ସାପ ଦେଖିଥିଲେ। ଯାହାର ଆନୁମାନିକ ଲମ୍ବା ପ୍ରାୟ ୭ ଫୁଟ ହେବ, ତାକୁ ସେମାନେ ସୁରକ୍ଷିତ ଭାବେ ଉଦ୍ଧାର କରି ଗାଁ ଠାରୁ ଦୂରରେ ଥିବା ଏକ ଜଙ୍ଗଲରେ ସୁରକ୍ଷିତ ଭାବେ ଛାଡ଼ି ଦେଇଥିଲେ । ଟିମ୍ ଦ୍ବାରା ଏହିଭଳି ତତ୍ପରତା ଏବଂ ସାହାସ୍ ପୁର୍ଣ୍ଣ ଭାବେ ଜନସାଧାରଣଙ୍କ ସୁରକ୍ଷା ସମେତ ବନ୍ୟ ପ୍ରାଣୀଙ୍କ ମଧ୍ୟ ସୁରକ୍ଷିତ ରଖିବା ଦିଗରେ କରିଥିବା ଏହି କାର୍ଯ୍ୟକୁ ଗାଁ ଲୋକେ ପ୍ରଶଂସା କରିବା ସହିତ ସେମାନଙ୍କୁ ସାଧୁବାଦ ଜଣାଇଛନ୍ତି।