ରାଜ୍ୟ ମିଶନ ଶକ୍ତି ଉପଦେଷ୍ଟା ଙ୍କ କରଞ୍ଜିଆ ଗସ୍ତ

କରଞ୍ଜିଆ, (ଜିତେନ୍ଦ୍ର ରାଜ):କରଞ୍ଜିଆ ମିଶନ ଶକ୍ତି ବିଭାଗ ଓ ଶିଶୁ ବିକାଶ ଉନ୍ନୟନ ପ୍ରକଳ୍ପ କାର୍ଯ୍ୟାଳୟ ମିଳିତ ଆନୁକୂଲ୍ୟରେ ରାଜ୍ୟ ସରକାରଙ୍କ ସ୍କୁଟର ଯୋଜନା ବିଷୟରେ ମିଶନ ଶକ୍ତି ଫେଡେରେସନ ନେତ୍ରୀ ଓ ସଦସ୍ୟାଙ୍କ ଏକ ସଚେତନତା କାର୍ଯ୍ୟକ୍ରମ ଓ ସମୀକ୍ଷା ବୈଠକ ପାଞ୍ଚପୀଢ଼ ଉପଜିଲ୍ଲାପାଳଙ୍କ  ସମ୍ମିଳନୀ କକ୍ଷରେ ଆଜି ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମର ସଭାପତିତ୍ବ ଜିଲ୍ଲା ସମ୍ବଳ ମଙ୍ଗଳ ଅଧିକାରୀ ଅନୁପମା ସିଙ୍କୁ କରିଥିବା ବେଳେ ମୁଖ୍ୟ ଅତିଥି ଭାବେ ମିଶନ ଶକ୍ତି ଉପଦେଷ୍ଟା ଡ଼ଃ ଗୀତାଞ୍ଜଳୀ ବସ୍ତିଆ, ସମ୍ମାନିତ ଅତିଥି ଭାବେ ପାଞ୍ଚପୀଢ଼ ଉପଜିଲ୍ଲାପାଳ ପ୍ରେମାଂଶୁ ଚାନ୍ଦ, ଶିଶୁ ବିକାଶ ଉନ୍ନୟନ ପ୍ରକଳ୍ପ ପ୍ରଶାସକ ଭାରତୀ ସାହୁ, କରଞ୍ଜିଆ ପଞ୍ଚାୟତ ସମିତି ଅଧ୍ୟକ୍ଷା ସୁଭଦ୍ରା ମାରାଣ୍ଡି, ଜିଲ୍ଲା ପ୍ରକଳ୍ପ ସଂଯୋଜକ ମିଶନ ଶକ୍ତି ନିରଞ୍ଜନ ପଣ୍ଡା, ଜିଲ୍ଲା ମିଶନ ଶକ୍ତି ମହାସଂଘ ସଭାନେତ୍ରୀ ବିଷ୍ଣୁପ୍ରିୟା ଦାସ, ବ୍ଲକ ମିଶନ ଶକ୍ତି ମହାସଂଘ ସଭାନେତ୍ରୀ ଦିପାଲୀ ବେହେରା, ସମ୍ପାଦକ ଭୁବନେଶ୍ୱରୀ ମହାନ୍ତ ଓ ବିପିଏମ -ଓଏଲଏମ୍ ଦିପ୍ତି ପଣ୍ଡା ଯୋଗଦାନ କରି ରାଜ୍ୟ ସରକାରଙ୍କ ସ୍କୁଟର ଯୋଜନାର ଉପାଦେୟତା, ମାର୍ଗଦର୍ଶିତା ଏଵଂ ଏହାକୁ ବିନିଯୋଗ କରି କିପରି ନିଜ ପରିବାରର ଅର୍ଥନୈତିକ ବିକାଶ କରି ପାରିବେ ସେ ବିଷୟରେ ଉପସ୍ଥିତ ମିଶନ ଶକ୍ତି ସଦସ୍ୟାଙ୍କୁ ଅବଗତ କରିଥିଲେ। ଏହି କାର୍ଯ୍ୟକ୍ରମରେ ପାଞ୍ଚପୀଢ଼ ଉପଖଣ୍ଡର ସମସ୍ତ ବିପିସି,ବିପିଏମ ମାନେ ଉପସ୍ଥିତ ରହି ସହଯୋଗ ପ୍ରଦାନ କରିଥିଲେ। କାର୍ଯ୍ୟକ୍ରମର ପରିଚାଳନା କରଞ୍ଜିଆ ମିଶନ ଶକ୍ତି ବିପିଏମ ଅମରେଶ ନାୟକ କରିଥିବା ବେଳେ ମିଶନ ଶକ୍ତି ବିଭାଗ କୋଷାଧ୍ୟକ୍ଷ ଶାନ୍ତନୁ କୁମାର ଦଣ୍ଡସେନା ସହଯୋଗ କରିଥିଲେ। ଏହି କର୍ମଶାଳାରେ ମୋଟ ୩୦୦ ଜଣ ପ୍ରତିନିଧି ଅଂଶଗ୍ରହଣ କରିଥିଲେ।କାର୍ଯ୍ୟକ୍ରମ ପରେ ଶ୍ରୀମତୀ ବସ୍ତିଆ କରଞ୍ଜିଆ ବ୍ଲକ ର ବିଭିନ୍ନ ମିଶନଶକ୍ତି ପ୍ରକଳ୍ପ ର ପରିଦର୍ଶନ କରିଥିଲେ