ବିଦୂତ ସଂସ୍ପର୍ଷରେ ଆସି ଯୁବକ ଆହତ ଟାୟାର ଜାଳି ରାସ୍ତାରୋକ

ଚିକିଟୀ,ପୁଷ୍ପାଞ୍ଜଳୀ ମିଶ୍ର):ପାତ୍ରପୁର ବ୍ଳକ ପଦାଦିଗି ପଞ୍ଚାୟତ କେଲୁହା ଛକ ଠାରେ ବିଦୁତ ତାର ସଂସ୍ପର୍ଶ ରେ ଆସି ଜଣେ ଯୁବକ ଆହତ ହେବା ପରେ ଲୋକ ମାନେ ଟାୟାର ଜାଳି ରାସ୍ତା ଅବରୋଧ କରିଥିବା ଦେଖିବାକୁ ମିଳିଛି। ଯୁବକ ଜଣକ ହେଉଛନ୍ତି ଡ଼ାବର କମ୍ପାନୀ ର ପ୍ରିତମ ଚକ୍ରବର୍ତ୍ତୀ ବୋଲି ଜଣା ପଡିଛି। ଆଜି ପ୍ରିତମ ଡାବର କମ୍ପାନୀ ର ଏକ ବିଜ୍ଞାପନ ବୋଡ କେଳୁହା ଛକ ଠାରେ ଲଗାଉ ଥିବା ବେଳେ ୧୧କେଭି ବିଦ୍ୟୁତ୍ ତାର ସଂସ୍ପର୍ଶରେ ଆସିବା ଫଳରେ ସେ ଆହତ ହୋଇ ଥିଲେ। ତାଙ୍କୁ ପାତ୍ରପୁର ଡାକ୍ତର ଖାନା କୁ ଆମ୍ବୁଲାନ୍ସ ଯୋଗେ ପଠାଇ ଥିଲେ। ଏହି ଖବର ଜଣା ପଡ଼ିବା ପରେ ଲୋକ ମାନେ ରୁଣ୍ଡ ହୋଇ ଚିକିଟୀ ଠାରୁ ଖାରିଆ ଗୁଡା ପାତ୍ରପୁର ଅଞ୍ଚଳକୁ ସଂଯୋଗ କରୁଥିବା ରାସ୍ତାରେ ଟାୟର ଜାଳି ରାସ୍ତା ଅବରୋଧ କରିଥିଲେ । ଯାହାରି ଫଳରେ ବହୁ ଗାଡ଼ି ଅଟକି ଥିବା ବେଳେ ସ୍ଥାନୀୟ ଦୋକାନ ବଜାର ବନ୍ଦ ରହିଥିଲା ।ଲୋକ ମାନେ ଏହି ସ୍ଥାନରେ ଦୀର୍ଘ ବର୍ଷ ଧରି ଘର କରିଥିବା ବେଳେ ଉପର ଦେଇ ବିଦ୍ୟୁତ୍ ତାର ଯାଇଥିବାରୁ ବିଭିନ୍ନ ସମୟରେ ଦୁର୍ଘଟଣା ଘଟୁଥିବା ବେଳେ ସ୍ଥାୟୀ ପ୍ରତିକାର ହେଉ ନଥିବା ଅଭିଯୋଗ କରିଥିଲେ। ପାତ୍ରପୁର ଅତିରିକ୍ତ ତହସିଲଦାର ଦିଲୀପ କୁମାର ଦେହୁରୀ ଜରଡା ଥାନା ଅଧିକାରୀ ଟୁନା ସାସମଲ ପହଞ୍ଚି ଲୋକଙ୍କ ସହିତ ଆଲୋଚନା କରି ଆଗାମୀ ଦିନରେ ଏକ ପ୍ରତିନିଧି ଦଳ ବିଦ୍ୟୁତ୍ ବିଭାଗ ର ବରିଷ୍ଠ ଅଧିକାରୀ ଙ୍କୁ ଭେଟି ଏସଂପର୍କରେ ଆଲୋଚନା କରିବା ସ୍ଥିର ହେବା ପରେ ରାସ୍ତା ରୋକ ହଟିଥିଲା।