ଶିମିଳିପାଳରେ ଟ୍ରାପ କ୍ୟାମେରା ଧରାଇ ଦେଲା 6 ହାର୍ଡକୋର ଶିକାରୀ

ବାରିପଦା,(ମୁରାରୀ ମୋହନ ମହାପାତ୍ର): ଶିକାର ମୁକ୍ତ ଶିମିଳିପାଳ ଏବଂ ଜୀବଜନ୍ତୁ ଙ୍କ ଗତି ବିଧି ଉପରେ ସତର୍କ ଦୃଷ୍ଟି ରଖିବା ପାଇଁ
ଶିମିଳିପାଳ ଅଭୟାରଣ୍ୟରେ ଖଞ୍ଜାଯାଇଥିବା ଟ୍ରାପ କ୍ୟାମେରା ପୁଣି ଶିମିଳିପାଳରେ 6 ହାର୍ଡ କୋର ଶିକାରୀଙ୍କୁ ଧରାଇ ଦେଇଛି. ଗିରଫ ହୋଇଥିବା ଶିକାରୀମାନଙ୍କ ମଧ୍ୟରେ କରଞ୍ଜିଆ ଥାନା ଅନ୍ତର୍ଗତ ଲାଜେନ୍ଦ୍ର ଗାଗରାଇ, ରାଇସିଂହ ସିଂ ଖୁଣ୍ଟିଆ, ରାମଦାସ ଦେହୁରୀ, ବୁଧୁ କେରାଇ, ଖେଜୁରୀ ହେମ୍ବ୍ରମ, ଏବଂ ଦୁବରାଇ ସିଂ ଖୁଣ୍ଟିଆ ବୋଲି ଜଣାଯାଇଛି. ସୂଚନା ମୁତାବକ ଶିକାର ପାଇଁ ଶିମିଳିପାଳ କୋର ଏରିଆରେ ଶିକାରୀ ମାନେ ପ୍ରବେଶ କରୁଥିବା ବେଳେ ଟ୍ରାପ କ୍ୟାମେରାରେ ଉତ୍ତୋଳିତ ଚିତ୍ର ଆଧାରରେ ଚଢ଼ାଉ କରାଯାଇ ଶିକାରୀ ମାନଙ୍କୁ ଗିରଫ କରାଯିବା ସହ ସେମାନଙ୍କ ନିକଟରୁ ସମ୍ବର ମାଂସ ସହ ଧନୁତିର ଜବଦ କରାଯାଇଛି. ଏବାବଦରେ ଏକ ମାମଲା ରୁଜୁ କରିବା ସହ ଅପରାଧୀ ମାନଙ୍କୁ କୋର୍ଟ ଚାଲାଣ କରାଯାଇଛି.