କୋଦଳାରେ ଗୋକୁଳାନନ୍ଦଙ୍କୁ ସ୍ୱାଗତ ସମ୍ବର୍ଦ୍ଧନା

କୋଦଳା , (ଯୁଗାବ୍ଦ ନ୍ୟୁଜ) : ଭାରତୀୟ ଜନତା ପାର୍ଟି ଘୁମୁସର ଜିଲ୍ଲା ପକ୍ଷରୁ ନୂତନ ସଭାପତି ଭାବେ ମନୋନୀତ ହୋଇଥିବା ଶ୍ରୀଯୁକ୍ତ ଗୋକୁଳାନନ୍ଦ ମଳିକଙ୍କୁ କୋଦଳା ଠାରେ ସ୍ୱାଗତ ସମ୍ବର୍ଦ୍ଧନା କରାଯାଇଛି l କବିସୂର୍ଯ୍ୟନଗର ବିଜେପି ବିଧାୟକ ପାର୍ଥି ଶ୍ରୀଯୁକ୍ତ ରଞ୍ଜନ ପୋଲାଇଙ୍କ ଅଧକ୍ଷତାରେ ବହୁ ସଂଖ୍ୟାରେ ବିଜେପି କର୍ମୀ ଏହି ସମ୍ବର୍ଦ୍ଧନା ଉତ୍ସବରେ ଯୋଗ ଦେଇଥିଲେ । ଶ୍ରୀ ଶ୍ରୀ ଦଣ୍ଡିଶ୍ୱର ମନ୍ଦିର ପ୍ରାଙ୍ଗଣରେ ସଭାପତି ଶ୍ରୀ ଗୋକୁଳାନନ୍ଦ ମଳିକଙ୍କୁ ବିପୁଳ ସମ୍ବର୍ଦ୍ଧନା ସହ ଏକ ବାଇକ ରାଲିରେ ବାହାରି କବିସୂର୍ଯ୍ୟନଗର ଅଭିମୁଖେ ଯାତ୍ରା କରିଥିଲେ । ସଭାପତି ଭାବେ ଦାୟିତ୍ୱ ଗ୍ରହଣ କରି ନିଜ କାର୍ଯ୍ୟକୁ ସୁଚାରୁ ରୂପେ ସଫଳ କରିବା ସହ ଆଗାମୀ ଦିନରେ ଦଳକୁ କିଭଳି ସୁଦୃଢ କରାଯିବ ଓ ଲୋକଙ୍କ ସମସ୍ୟାକୁ ସମାଧାନ କରାଯିବ ସେ ଦିଗରେ ଉଦ୍ୟମ ଜାରି ରଖିବା ସହ ସଦାସର୍ବଦା ଲୋକଙ୍କ ସହିତ ରହିଛି ଏବଂ ରହିବି ବୋଲି ଶ୍ରୀ ମଳିକ ପ୍ରକାଶ କରିଛନ୍ତି। ନୂତନ ସଭାପତିଙ୍କୁ ଦଳର ବିଭିନ୍ନ କର୍ମୀ, ନେତା ପୁଷ୍ପଗୁଛ ପ୍ରଦାନ କରି ସ୍ୱାଗତ ଓ ସମ୍ବର୍ଦ୍ଧନା କରିଛନ୍ତି ।ଏହି ସମ୍ବର୍ଦ୍ଧନାରେ ଆସିକା ନିର୍ବାଚନ ମଣ୍ଡଳୀର ବିଜେପି ନେତା ଶ୍ରୀଯୁକ୍ତ ଦେବରାଜ ମହାନ୍ତି, ପୋଲସରା ବିଜେପି ଯୁବ ନେତା ଶ୍ରୀ ପ୍ରଭାକର ପଣ୍ଡା ଓ ବହୁ ବିଜେପି ମହିଳା କର୍ମୀମାନେ ସମ୍ବର୍ଦ୍ଧନା ଉତ୍ସବରେ ସାମିଲ ଥିଲେ ।