ସଡକ ଦୁର୍ଘଟଣାରେ ଦୁଇ ବାଇକ ଆରୋହିଙ୍କ ମୃତ୍ୟୁ

ନବରଙ୍ଗପୁର,(ୱାଇଏନଏସ):ସଡକ ଦୁର୍ଘଟଣା ରେ ଚାଲିଗଲା ଦୁଇ ବାଇକ ଆରୋହିଙ୍କ ଜୀବନ । ଗତକାଲି ବିଳମ୍ବିତ ରାତିରେ ନବରଙ୍ଗପୁର ସହର ଉପକଣ୍ଠ ଜାତୀୟ ରାଜପଥ ଗ୍ଲେଜ ହୋଟେଲ ନିକଟରେ ଦୁଇ ବାଇକ ଆରୋହି ମୁହାଁମୁହିଁ ଧକ୍କା ହେବା ଫଳରେ ଦୁଇଜଣ ଚାଳକଙ୍କ ମୃତ୍ୟୁ ଘଟିଛି । ମୃତକ ଦୁଇଜଣ ହେଲେ ନବରଙ୍ଗପୁର ସହରର ତ୍ରିଲୋଚନ ଜାନି ଏବଂ ବଡ଼ ଡାଇଭଟ୍ଟା ଗ୍ରାମର ଅମିତ ବାଘ । ଖବର ପାଇ 108 ଆମ୍ବୁଲାନ୍ସ ରେ ଉଭୟ ଆହତଙ୍କୁ ଜିଲ୍ଲା ମୂଖ୍ୟ ଚିକିତ୍ସାଳୟରେ ଭର୍ତି କରାଯାଇଥିଲା ସେଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ। ଆଜି ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି । ପୋଲିସ ଘଟଣାର ତଦନ୍ତ କରୁଛି । ସୂଚନା ଅନୁସାରେ ତ୍ରିଲୋଚନ କୋରାପୁଟ ଜିଲ୍ଲା ଆଉଁଳି ନିକଟରେ ଥିବା ଏକ ଢ଼ାବା ରେ କାମ କରୁଥିଲେ ସେ ନିଜ ଘର ନବରଙ୍ଗପୁର କୁ ଫେରୁଥିବା ବେଳେ ଅମିତ ନବରଙ୍ଗପୁର ରୁ କିଛି ଜିନିଷ କିଣି ନିଜ ଗାଁ ବଡ଼ ଡାଇଭଟ୍ଟା କୁ ଫେରୁଥିବା ବେଳେ ଉଭୟ ସ୍କୁଟି ଏବଂ ବାଇକ ମଧ୍ୟରେ ଧକ୍କା ହୋଇଥିଲା ।