ଗଜପତିରେ ୫୫ ଲିଟର ଦେଶୀମଦ ଜବତ, ୨ଗିରଫ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ପୋଲିସ ଦ୍ୱାରା ୫୫ଲିଟର ଦେଶୀମଦ ଜବତ ହେବା ସହ ୨ଜଣ ଗିରଫ ହୋଇଛନ୍ତି । ପାରଳା ଆଦର୍ଶ ଥାନା ଅଧିକାରୀ ବିବେକାନନ୍ଦ ସ୍ୱାଇଁ ଜଣାଇଛନ୍ତି ସହର ପୋଷ୍ଟାଲ କଲୋନୀ ନିକଟରୁ ଚୋରା ଦେଶୀମଦ ଚାଲାଣ ବେଳେ ପୋଲିସ ଦ୍ୱାରା ଧରାପଡିଛି । ଜଣେ ପୁରୁଷଙ୍କ ଠାରୁ ୨୦ ଓ ଜଣେ ମହିଳାଙ୍କ ଠାରୁ ୩୫ ଲିଟର ଦେଶୀ ମଦ ଜବତ କରାଯାଇଛି । ସେମାନଙ୍କ ବିରୋଧରେ ମାମଲା ରୁଜୁ କରାଯାଇଛି । ଏ.ଏସ୍‌.ଆଇ ପୀତବାସ ଶତପଥୀ ମାମଲାର ତଦନ୍ତ କରୁଛନ୍ତି ।