ମାନସିଂ ବଜାର ସରସ୍ୱତୀ ଶିଶୁ ବିଦ୍ୟା ମନ୍ଦିରରେ ଗଣେଶ ପୂଜା ଅନୁଷ୍ଠିତ
ବାଲେଶ୍ୱର, ମୁନିସିପାଲିଟି ଅନ୍ତର୍ଗତ ମାନସିଂ ବଜାରଠାରେ ଅବସ୍ଥିତ ସରସ୍ୱତୀ ଶିଶୁ ବିଦ୍ୟା ମନ୍ଦିର ମହାସମାରୋହରେ ଅନୁଷ୍ଠିତ ହୋଇଯାଇଛି । ବିଦ୍ୟାଳୟର ପିଲାମାନେ ସକାଳ ୮ ଘଟିକା ସମୟରେ ଫୁଲ ଓ ବହିପତ୍ର ଧରି ବିଦ୍ୟାଳୟରେ ପହଞ୍ଚିଥିଲେ । ଏହାପରେ ଘଟୋତ୍ତଳନ କରାଯାଇ ପୂଜାକାର୍ଯ୍ୟ ଆରମ୍ଭ ହୋଇଥିଲା । ବିଦ୍ୟାଲୟର ପ୍ରଧାନ ଆଚାର୍ଯ୍ୟା ବିଜୟଲକ୍ଷ୍ମୀ ଜେନା ସଂକଳ୍ପ କରି ପୂଜାରେ ବସିଥିଲେ । ପୂଜା ପରେ ପିଲାମାନେ ନଡିଆ ଫଟାଇବା ସହ ପୁଷ୍ପାଞ୍ଜଳୀ ପ୍ରଦାନ କରିଥିଲେ । ପରେ ପିଲାମାନେ ପ୍ରସାଦ ସେବନ କରି ଆନନ୍ଦରେ ଘରକୁ ଫେରିଥିଲେ । ଏଥିରେ ଗୁରୁମା ଆରତୀ ପାତ୍ର, କବିତା ରାଣୀ ବାରିକ, ଗୁରୁଜୀ ରବିନ୍ଦ୍ର ମଲ୍ଲିକ ପ୍ରମୁଖ ପୂଜାକାର୍ଯ୍ୟରେ ସହଯୋଗ କରିବା ସହ ପିଲାମାନଙ୍କୁ ଶୃଙ୍ଖଳାର ସହ ପୂଜାକାର୍ଯ୍ୟରେ ସାମିଲ ହେବାରେ ସହଯୋଗ କରିଥିଲେ । ଏଥିରେ ପରିଚାଳନା କମିଟିର ସମସ୍ତ ସଭ୍ୟ/ସଭ୍ୟା, ଅଭିଭାବକ/ଅଭିଭାବିକା ଯୋଗ ଦେଇ ପ୍ରସାଦ ସେବନ କରିଥିଲେ । ଅଞ୍ଚଳରୁ ବହୁ ନିମନ୍ତ୍ରିତ ଅତିଥି ଯୋଗ ଦେଇ ପିଲାମାନଙ୍କୁ ଉତ୍ସାହିତ କରିଥିଲେ ।
